لاتوجد صور
جيد
اليوم تأكدت إن الأكل الإيطالي مايستهويني، آكله بدون متعه :/
المهم .. أول زيارة لفوركيتا الرياض طريق خريص وله حسنات وسيئات.
حسناته:
- الخدمة سريعة جدا
- أماكن الجلوس وسيعة.
- الأسعار مقبولة.
- الموظفين ودودين.
- الديكور سيعجب البعض وسيكرهه البعض الآخر، لكن بغض النظر الكراسي والجلسه مريحة.
سيئاته:
- أولا الديكور، هذا موضع جدل، لأنه من داخل مسوين الطاولات العائلية بشكل غرف، ديكورها كأنها كوخ مربع مبني بطوب، لذلك تحس نفسك مغلَق وبصناديق وطوب واجد! الطاولة الي بتاخذها بتعزلك تماما عن كل مايحدث في المطعم. الي يحبون الخصوصية العالية ويحبون يشيلون طرحتهم وهم ياكلون بيعجبهم، الي يحبون المكان المفتوح بيضايقهم مره، يناسب للي يحكون بموضوع مهم أو مجتمعين يتناقشون بشي يحتاجون له هدوء وعزله، بس إذا بيغيرون جو الوضع معاكس.
- حجم الأطباق صغير مقارنة بالمطاعم الإيطالية الي زرتها، بالذات الطبق الرئيسي فعلا ما يشبع ولا يمديك تعزم على الي جنبك وتشاركه إلا تذوقه بس.
- سلطة السيزر تتبيلتها جيدة بس فيها زيتون أسود! استغربت هالإضافة.
- أكلت فيتوتشيني ثمار البحر وعادية جدا، فيها ربيان ومحاره وشوي كاليماري، مابه زود.
أطباق الي معي كانت عادية لكن باستا بصلصة الطماطم والريحان جدا لذيذة لكن قليلة.
وفقط 
0 تعليق
|
هل ترى أن هذا التقييم مفيد؟
نعم
شوربة البروكلي أسطورية
رحته بلحالي، ما أقولكم عن الزهق ونظرات الويترس ! وش عندك جاي لحالك!
رحته غداء وطلبت فيتوتشيني بالكوساء - ماحبيتها
وشوربة بروكلي - رائعه فعلا، رجعت جربت شوربة البروكلي في مطاعم كثير ثانية لكن مافي وجه مقارنة أبدا، كل الباقين سيء وهذا الي ممتاز.
احلى شي فيه إنه يدور بجبنة البارميزان طول الوقت يزودك لو بغيت.
بس
زرت كل فروعه
سيلزر هاوس صار عندي خبره فيه.
فرع التحليه والبوفيه المفتوح زرته يمكن 4 مرات. طبعا السلطات والشوربات ممتازة لكن الأكل والحلويات جيد جدا أعيب عليه قلة التنوع.
فرع خالد بن الوليد جيد جدا لكن مشكلته ريحة منظفات الخشب قوية شوي، غير كذا مافيه عيب حتى الوجبات فيه أفضل من فرع خريص.
فرع خريص سيء سيء، ديكوره تعيس وإضاءته أتعس ححسني إنه مطعم في طريق سفر، الويترس بثرين ماحبيتهم والمكان حوسه، طعم الأكل كويس طبعا بس التقديم والسيرفيس أقل من خالد بن الوليد بمرااااحل.
من ناحية الديكور فرع التحليه هو الأفضل بدون منازع، بعده الحمراء (خالد بن الوليد وآخر شي خريص الي ما عتقد بزوره مره ثانية.
بالنسبة للأكل مافي شي عندهم ماعجبني، الا شوربة الفطر مابها زود وشوربة الدجاج والذرة على ذمة أشخاص كثر سيئة.
شوربة هوت أند ساور لذيذة، مو زي ميراج ! بس لذيذة.
البرغر: بيكون برغر ممتاز أيضا مع انه مره دسم.
المكرونات: يمكن أفضل مكرونات ذقتها في مطعم! جربت مطاعم إيطالية كثير (لينتوري، أموري، سينترو أو سينترو) ولا حبيتهم، مابهم زود. بس هذا في نكهة مميزة بالذات بتكساس باستا.
عرض الغداء حقهم أضعف بكثير من فرايديز، لأن عندهم نوع سلطة واحد ونوع شوربة واحد .. سلطة سيزر بدون دجاج! وشوربة طماطم، والمشروب بيبسي وأخوانه فقط.
في الأطباق الجانبية أضعف من فرايديز لكن البرغر حقهم (بيكون برغر) .
بس
البرجر لذيذ
أمس كانت الزيارة الثالثة وقررت أجرب عروض الغداء، سعرها 35 ريال وتستااااهل، المشروبات متنوعه والشوربات متنوعه والسلطات كذلك، وبرضو الطبق الرئيسي، والحلو فيهم إنك تختار شوربة أو سلطة، إذا مابغيت مشروب، عادي تاخذ شوربة وسلطة مع بعض. المهم عندهم تاخذ 3 طلبات.
جربت كاوبوي برغر قبل فتره بالنسبه لي كان ممتاز
أمس في الغداء جربت ساندوتش تشكن كيجن عادي، بس حاطين فيه جبنة صفراء أعطته طعم مختلف.
الي حبيته فيه ان سلطة السيزر فيها تشكن، عادة التشكن يكون إضافي وتدفع عليه بس هو عندهم ستاندرد.
زميلتي طلبت باستا الدجاج والثوم ولذيذة، مو مميزة مره بس باقي لذيذة.
الي ماعجبني هو الشوربة، ذقت البروكلي تشيز عادية، وذقت الفطر عادية، والبصل دسمة جدا ماقدرت أكملها. ليتهم يضيفون هوت آند ساور سوب بدال تشكيلتهم الدسمة مرة.
تجربة ممتاز للغداء وودي اكررهها.
0 تعليق
|
هل ترى أن هذا التقييم مفيد؟
نعم
