أسعاره معقولة و لذيذ
زافران من المطاعم الهندية اللي يقدم قائمة غير غريبة على الكوزين الهندي في الرياض او الخليج فالمنيو بسيط ولا فيه ابتكارية تشد الزبون... هذا لايعني انه مطعم غير ممتاز، الأطباق عنده كانت محبوكه ولذيذة فالربيان بجوز الهند كان لذيذ ويجبر على الادمان اما البتر تشكن والماسالا ممتازين ومافيهم زفرة ويحعطونك شعور الرجوع لقضمة ثانية وثالثة. للأسف الكباب في المكان ماكان بالشكل اللين او بالطعم اللذيذ ونفس الشي الأرز اللي كان يقرض ولا استوى لكن تميز بنكهة موية الورد اللي عطته نكهه مميزة ولذيذة
بالنسبة للإختيارات للخضريين فكانت تنقصهم ماسالا البايما، بالنسبة للإختيارات اللي اخترناها
فكانت كفتة بطاطس وكلنت للأسف لا ترتقي للكفتة الهندية خصوصاً مع بطاطس غير مستوي، لكن كباب الجبن كان ممتاز جداً بجين قريش منكه بهيل ويناديك لقضمة ثانية وثالثة وأخر طبق كان حبوب حمص مع صلصة طماط حارة، كانت تحتاج زبادي زيادة عشان يعطي أسدتي(حموضة) توازن الطبق.
الأسعار تعتبر معقولة وتتراوح بين التقديرات المتوسطة ٥٠-٧٠ للشخص
جيد كمطعم هندي لكن فيه اختيارات غيره فتتوقف النصيحة حسب الذائقة الشخصية
0 تعليق
|
هل ترى أن هذا التقييم مفيد؟
نعم
مدفون تيس و لبن 👌🏻
السدة من المطاعم الشعبية الممتازة واللي تقدم مدفون تيس ينعنا له ويذوب من أول قضمة، ثمن مدفون اللحم يكفي شخصين أيضاً رز البشاور عندهم ممتاز والدهن فيه موزون و أقل من أغلب المطاعم الشعبية جربت عندهم مضبي الدجاج وكان جيد والفروج أعجبني أكثر... مندي اللحم ممتاز و أسعارهم متوسطة الا لمدفون اللحم فهو ثمن تيس ب ١٢٠ ريال لكن يستاهل كل ريال فيه
0 تعليق
|
هل ترى أن هذا التقييم مفيد؟
نعم
خباز سعودي محترف بجودة ممتازة
فلوريش من المخابز المحلية اللي نفتخر فيها في الرياض، جربت من عدة مخبوزات أغلبها أعجبني خصوصاً تنوع القائمة عندهم، البريوش السادة والبابكا بالنوتلا كانو ممتازات جداً خصوصاً يوم سويت البابكا فرنش توست وكان قوامها ممتاز للطبق، اما توست البطلطس فكانت تجربة مثيرة للإهتمام. بالنسبة للفطاير عندهم فكانت ممتازة جداً و هشة و طرية لذالك أنصح فيها مع جلسات الشاهي.
الكوروسون أعجبني جداً و لذيذ لكن كنت اتمنى حشوة الجبن فيها أكثر
المفن كان مخبوز بشكل صحي واستخدمو فيه سكر بني و أعتقد مع طحين مخلوط مع أسمر، الوافل ماناسبتني و متحمس أجرب مخبوزاتهم الباقية.
الأسعار بين المتوسطة والرخيصة
عندهم مندوب توصيل بطلبيات ١٠٠ و فوق
عندهم المبيعات المخصصة للخبز مثل الطحين وفتات الخبز... الخ
0 تعليق
|
هل ترى أن هذا التقييم مفيد؟
نعم
الفطور الفطور الفطور و خصوصاً بيض بالقشطة
كافيه بلان من الأماكن العريقة في الرياض واللي كنت لاهي عنه وعن تجربة فطوره بعد أخر تجربه له في 2009 أو 2010 ووقتها كنت مبسوط من تشيز كيك الحلقوم عندهم لكن متضايق من المكان المتهالك، اما اليوم كانت تجربتي مختلفه فتجديدهم للديكور والألوان الرايقة مع عبق فيروزي يعم المكان فكانت تجربة رايقة ولذيذة.
بالنسبة لمنيو الفطور فجربت عندهم عدة أطباق وقدمت بشكل بسيط ولذيذ وخصوصاً بيض بالقشطة اللي يبدعون فيه والحلوم المشوي وفتة الشاورما... متحمس المرة الجاية اجرب فتة شيش البرك وبالنسبة للفلافل عندهم فكانت مقرمشة و أساسها فول فتكون مختلفة عن فلافل الحمص اللي تعم الرياض
0 تعليق
|
هل ترى أن هذا التقييم مفيد؟
نعم
