المطعم بشكل عام ديكورة مريح جداً.. من ناحيه الزحمه بصراحه جيت له غداء وزحمة حيل انتظرنا ودخلنا من حسن حظنا كنا من اوائل المنتظرين بعد صلاة الظهر
العاملين كويسين بس مو الكل بعضهم👤 طلبنا من المقبلات فتوش وكان جداً رائع حبيته والطلب الثاني كان كبه بدبس الرمان ممكن هذا اللي يميزهم في وقت من الاوقات لكن تفاجأت بطعمها ع سمعه المطعم وجودته في صنعها عاديه زيها زي اي كبه بالدبس باي مطعم وممكن فيه مطاعم تجيدها اكثر على سبيل المثال مطععم الصياد رااائعهً عندهم.. وطلبنا طبق غريب من نوعه في التشكيله المضافه كباب بالكرز عن نفسي ماحبيت نكهه الكرز مع الكباب لكن اللي اكلته معي تقول شي غريب ومميز .. وطلبنا شيش طاووق حبيته بس مو مميز يعني بشكل عام المطعم ديكوره حلو وموقعه في مجمع سنتيريا يميزه لكن اكله زي اي مطعم شامي فخم في الرياض 💕🌹 اطلت التوصيف لكن مااعرف الا كذا😋😋

جربت له اكثر من فرع بس تدرون اكثر فرع عجبني داخل جامعه الامام حقت البنات مدينه الملك عبدالله اكثر شي يميز هالكوفي الحلوم حقهم انصحكم تجربونه عذاااااب الخبزه عندهم اسمها حلومي .. هالكوفي مكيز بعجاينه اللي بالسكر والقرفه جميلا مررره وتغمسها بشوكليت ياسلام اشتهيته مع القهوه

بحفل تخرجي عبيت اربع صياني منه روعه والله الشوكليت والمعمول روعه يشبه معمول روز .. اتعامل مع فرع طريق الملك عبدالعزيز .. روعه وفيه سوري بمنتو الادب والمصراقية في الوقت تجيبين صياني من برا ويعبيها ويمليها بترتيب جميل انصح بالتعامل معهم وعندهم توصيل عن طريق الانستقرام يعد بس مابعد جربته .. بجرب فرع البديعة توه فتح ع طريق المدينة المنورة

السلام عليكم عدت لكم من جديد .. بعد انقطاع كبير رجعت وكلي شوق لقيم 😋😋

المطعم هذا الشي الوحيد اللي شدني فيه ديكورة وجلساته حلوه ومتعوب عليها .. مستحيل اعيد التجربه فيه لأني بصراحة ماتلذذت بشكل كافي .. الطلب كان شوربة حريرة وكانت متوسطة وغير ساخنة.. وسلطة السلطان كانت عاديه تشبه مكونات الفتوش.. دجاج اندلسي مقلي اكبر مقلب كلته كان مو طيب ولااعجبني طهي تقليدي جداً .. طبق يعتبر اجمل الاطباق اسمه لوبكش او شي زي كذا تمر مع جبن مع ارز طبق غريب بس كان حلو مع ان التمر عامل دخيل😀 .. اسعارة مرتفعه نوعاً ما بالنسبة لطعامة الأكل .. اقيمه اقل من متوسط في الاكل .. ممتاز في الخدمة والديكور وراحة الجلسات.. اخيراً الفاتورة كانت ٢٧٠

هذا حلو حيل استغربت التقييم السيئ .. كل شي فيه عيوب وفيه محاسن ومو بالضروره يكون مكتمل كل شي لابد يجي فيه جانب نقص .. انا من اهل الرياض لذلك بتكلم عن فرع الرياض على التحليه بجوار افاد وتاو والريف اللبناني كلها متقاربه .. طلبت كرات لحم بالصوص الاحمر جميله طعمها ومتقنه وعلى درجه عاليه من الحراره .. وطلبنا سلطه سيزر بالدجاج لذيذه والدجاج تبعه متقن ومشوي بتحمير .. طلبنا شوربه دجاج بالذره والكريما كانت حلوه كذلك لكن استغربت ماحطوا ليمون مع انه مهم في كل طبق شوربه في اي مطعم .. طلبنا مكرونه اسباقيتي بالصلصه الحمراء ماحبيتها ابدا مدري كيف طلبتها مع انها غالبا غير جيده في كل المطاعم .. الجلسات متوسطه لكن واسعه النظاقه جيده جدا الستائر تحتاج لتغيير يحتاج تجديد نوعا ما .. بس الديكور يملك طابع غريب فيه فتحات جميله توحي ببيوت الحمام انا احساسي كذا هههه لكن تجربه حلوه مره وانا حبيتها والمطعم جوده اكله لابد يجي طبق غير متقن في القائمه ونطيح فيه بالصدفه ههههه لكن انا اعطيه ٨ منن١٠ من جميع النواحي ..

زيارتي للمطعم البارحه بعد صلاة المغرب مباشرة كان المطعم شبه فاضي انا الله يهدينا مبكرين بزيادة ههههه المكان كان قريب لممشى الملك عبدالله يجوع الواحد من المشي ويخربها في هالمطعم 😢 المطعم شكله الخارجي جميل وجذاب داخلياً كذلك حلو وطرازه هندي وريحهه البهارات تستقبلنا .. الطاولات كانت مريحه وخصوصيتها حلوه بالنسبه للنظافه متوسط .. اما تقييمي للأكل طلبنا رز مطبوخ في الفخار وزياده فلفل .. وحمص .. ودجاج مع ايدام كاداي .. ودجاج مسالا .. طبق الارز كان جميل جميل وطريقه طهيه رائعه بفخار ومسكر بخبز مره حراره عاليه وتحت لحم مره جميل انصح فيه وبقوووه طعم مااله مثيل .. ايدام الدجاج كاداي رااائع اعجبني .. الحمص ماحبيته .. الدجاج ماسالا حليو مو مميز وشوربه دجاج حلوه مره وفيها نكهه جميله اضيفوا لها فلفل اسود من اللي ع الطاوله ماينشبع منها. .. العصيرات رائعه .. اقيم المطعم اكله حلو ومرتب والسرعه في وصول الطلب سريع لانه فاضي اساساً فما اقدر اقيمهم في اخر المساء والزحمه .. حبيت المطعم .. بس لاتطلبون حراره عاليه بتولعون 😂😂😂.. اخيراً الفاتورة كانت ٢٠٠ ريال

هالمطعم ماشاءالله كبير ومرتب وغصب يلفت النظر لألوانه والفواكه الطازجه المعلقه بشكل مرتب وغريب انا احكم عليه خارجياً لاني ماادخله لانه مافيه عوائل المطعم تعشيت منه اليوم بصراحه لذيذ مرررره عصير الكوكتيل تبعهم وعصير الرمان حبيييت عصيراته مررره مضبوطه واحس يناسب مناسبات كبيره لأن اشوف اعلانات جالونات عصيرات متنوعه ولذيذ جداً عصير الكوكتيل حبيته من قلب .. البروستد كان طلبنا اثنين حراق حلو زي اي مطعم يضبط البروستد مافيه تميز بس البطاطس كان حلو .. انصح بعصيراته وبشدده ❤️❤️❤️👌

زيارتي لهالمطعم الجميل الهادي المرتب كانت اليوم مع هالجو الجميل ياسلام ورش المطر كان اختيار رائع للفطور المتأخر تقريباً ع الساعه ١٠ ونص .. هو بالمجمع اللي فيه مطعم ارابسك وخلف كوفي هيد يارد بجانب زيت وزعتر نصعد له بمصعد فوق يقالي اوصف ان شاءالله اكون ماضيعتكم 🙈🙈 المهم دخلنا وكنا ثلاث اشخاص كان شبه فاضي بس طاولتين فيها بنات كان نظيف الموظف بشوش الديكور والكراسي والالوان اعجبتني .. البارتشن اختياري .. الجو حلو فيه لان الشمس تدخله الصباح مايحتاج اناره يعطي جو جميل .. المشكله مافيه الا واحد بس يخدم على الموجودين ويختفي ويالله نحصله 😁طلبنا كان اثنين برجر دجاج وواحد فطور شرقي وسلطه سيزر بالدجاج وواحد بطاطس .. الاكل بصراحه وصل بسرعه مع بعض كانت البرجر وجبه بس مو مكتوب بالطلب وجبه فكان طلبنا البطاطس الجانبي ماله داعي .. طبق البرجر عباره عن حبتين وسط كان كثير ويشبع بصراحه وحده تكفي الطعم لذيذ مرررررره حبيت الدجاج حقهم اعجبني بشكل عام للوجبه جميله وموفقه والبطاطس طازج وجداً حبيته .. السلطه كانت حلوه ومضبوطه وكميتها مناسبه مره حبيتها .. الفطور الشرقي كان عباره عن لبنه وفول وزعتر وزيت زيتون وجبنه حلوم متوسط زي اي مطعم بس حلو كطبق واحد خيار لافطار .. عموما المطعم بشكل عام حبيته لي زياره له مسائيه ..اخيراً الفاتورة كانت ٢٤٠ تعتبر غاليه شويات ..

جمااااله هالكوفي حبيته من قلب ... روحتي له كانت الصباح الساعه ٩ ونص ماشاءالله كأنه وقت المغرب والعشاء من كثر الزحمه مره استغربت صباح وكذا لمى سألت المصري اللي يقدم عن هالزحمه قال هذا خفيف بالنسبه لوقت الليل الطاولات حجوزات وانتظار .. المهم الكوفي كان نظيف وواجهته الخارجيه والداخليه جميله الوانه مريحه كان يحتوي على دور ارضي فيه كاونتر بالوسط لبيع حلويات بتيل وكانت حلوووه وتذوقت منها واشتريت بس غاليه جداً ..فيه بالدور الارضي قسم صغير افراد وبالدور الاول فوق يحتوي على جلسات للعائلات بس للامانه الكوفي انصح فيه جلسات بنات فقط بدون رجل لانه بيصير شبه وحيد بين هالنساء ويبتلش بروحه هههههه مثل حاله اخوي .. الطلب كان قهوه عربي مع حبتين برحي ياسلام كانت الدله كايفه وطعمها لذيذ مررره ومتقن .. واختي طلبت كابتشينو تقول انه حلو مره .. وطلبنا حلى الروشيه وحلى موس شوكلاته وتشيز كيك فراوله كلها كانت جمممميله وحلوه خاصه الروشيه مره اعجبني .. الخلاصه كانت الفاتوره ١٢٠ ريال وانا اشوفها جميله بالنسبه للجلسه وللعدد وللطلبات .. انصح فيه بقوه اعجبني من جميع النواحي

تجربتي لهالمطعم كانت بعد فوز نادي النصر على الشباب 💛🌹💙 اقرب شي للبيت واحتفال متأخر بعد الساعه١١ فرع طريق الملك عبدالعزيز .. كان جيد الاستقبال وللامانه مافيه الا انا بس بقسم العائلات ممكن الوقت متأخر ماادري بس قسم الافراد مليان ماشاءالله .. المهم نجي للنظافه مااعجبتني مره اصنفه وسط في النظافه الطاولات والمكان كان صغير مو كبير بس مناسب شكله للمطاعم السريعه .. الطلب كان اول شي مقبلات سلطه سيزر واصابع جبنه .. السيزر حلوه بس مو مبهره بس كانت قليله بشكل مو كويس .. اصابع الجبنه حلوه مع صلصتها .. الطلب الرئيسي كان كاساديا شي زي كذا وجبه احم ووجبه دجاج انا بنظري اللحم كان اطعم مع اني مااكل لحم دايم بس حبيت طعمه .. الطلب جى بسرعه وبطاطس الوجبات جميل وطازج وحار وفيه بهارات حلوهً .. وفيه تلفزيون شفنا فيه التحليل بعد المباراه هههههه 😛اعطي المطعم جيد جداً بي ماادري ماافكر ارجع له .. كتجربه حلو