الصورة الشخصية للعضو yl_ksa

تجربة مميزة

أنصح الجميع بتجربة المطعم وقت الشتاء. جلساته اكثر من رائعة خصوصا اذا كان الجو حلو.

نظام المطعم في البداية في بوفيه للشورية والسلطات والحلويات ودائما تتغير الأصناف. عادة السلطات يتفنن فيها الشيف، يوجد أكثر من صنف غريب ولكن لذيذ.

بعد السلطات يقدم لك طلبات من اللحوم والدجاج والبحريات واحد تلو الاخر الى ان تشبع. عند انتهاء جميع الاصناف تستطيع اختيار الطلبات اللي عجبتك عشان تقدم لك مرة ثانية.
يعني المطعم مافيه قائمة طلبات للأكل لانهم بيقدمون لك من جميع الطلبات.
من الاشياء المقدمة دجاج ملفوف بشرائح من اللحم المقدد، لحم غزال، لحم جاموس، أفخاذ دجاج، سمك، جمبري مشوي وأشياء كثيرة أخرى. كل طلب لذيذ وفريد.
يوجد أيضا 5 أنواع صلصات للاختيار بينهم وتوجد صلصة مناسبة لكل نوع من اللحوم.

الخدمة تعتبر شوي بطيئة. الجلسات حلوة لكن مفتوحة على بعض. لايوجد بارتشنات للعوائل. أيام الزحمة الشباب والعوائل سوا. طبعا يفضل الحجز قبل الذهاب.

من ناحية السعر كل شخص بيدفع حوالي 250 ريال. يعتبر غالي لكن التجربة حلوة وتستاهل.

1 تعليق | هل ترى أن هذا التقييم مفيد؟      نعم

أفضل برجر ممكن تذوقه

بايرون هو سلسلة مطاعم في لندن ويشتهر بالبرجر. جربت البرجر في 5 من فروعه وكلهم نفس الشي، فلا يوجد فرع مميز عن الاخر من ناحية الطعم.

يفضل البرجر ان يكون ميديم ويل لانه ويل دون تكون اللحمة شوي ناشفة. وصراحة البرجر لذيذ لأبعد حد وهو أحسن برجر ذقته من دون منازع.

المطعم مافيه طلبات كثير، بس برجر، بطاطس مقلية وبعض السلطات وصراحة ماجربت شي غير البرجر والبطاطس.

اذا كنت في لندن لا يفوتكم هالمطعم وانا متأكد انه راح يعجب الجميع.

جلساته عادية وتفتح النفس. ماشالله دائما مزدحم وعادة يكون في فترة انتظار 5 او 10 دقائق.
الخدمة سريعة جدا خصوصا ان المطعم كل فروعه صغيرة نوعا ما وملئ بالموظفين.

0 تعليق | هل ترى أن هذا التقييم مفيد؟      نعم

خبير في تخصصه

لادوريه معروف من فروعه الموجودة في باريس ولندن. طبعا هو متخصص في الماكاروون ولايوجد مكان يقدمهم أحسن منه.

يوجد عندهم عدة نكهات والمفضل عندي الفانيلا والكاراميل. اللي ماجربهم لازم يجربهم ولو مرة واحدة مع العلم انه أسعاره تعتبر غالية وهذا نظرا لأسمه وشهرته وجودته.

توجد جلسات للنساء فقط ولكن يمكن للشباب الطلب للخارج.

0 تعليق | هل ترى أن هذا التقييم مفيد؟      نعم

من أفضل المطاعم الإيطالية في الرياض إن لم يكن

أنا اكتf تقييمي هذا وأنا رايح للمطعم أكثر من 20 مرة من غير أي مبالغة.
جربت عندهم عدة طلبات، بعضها كان عادي والبعض الاخر كان ابداع.

بالنسبة للشوربات والمقبلات عادية ولايوجد شئ يذكر. عادة كمقبلات أطلب بيتزا فونجي (بيتزا بالفطر) وصراحة هي من أحسن البيتزات اللي مرت علي خاصةً بعد إضافة الزيت الحار اللي يجي مع البيتزا. وهذا مو بس رأيي، كثير من الأصدقاء جربوها وعجبتهم مثلي وأكثر. سعر البيتزا حوالي 50 ريال وأنا اشوف انها تستاهل كل ريال. المهم البيتزا دايم نطلبها للمشاركة لاتاحة الفرصة للطلبات الاخرى.

اللي يحب التغيير بدل البيتزا التقليدية، عندهم كالزوني بالديك الرومي والطماطم وصراحة روعة. لذيذة جدا ولكنها كبيرة فيضل المشاركة.

بعد ذلك أنتقل للباستا. صراحة عندهم طلبين من أحسن الأطباق في الرياض.
الأول الكانيلوني وتكون محشية باللحم ومحاطة بالجبن. طلب خطير ولذيذ لأبعد حد وأنصح الجميع بتجربته.
الطلب الثاني اللي هو الريجاتوني المقدم في سلة من جبن البارميزان وهو طلب أيضا رائع ومغاير للطلب الأول فيعني ماراح تملون منهم.
وعلى الفكرة الطلبين أسعارهم معقولة ومشبعة، وأقول مشبعة بعد تجربة على أكثر من 5 شباب من مختلف الأحجام.

في النهاية الحلويات. أيضا في طلبين، طلب خفيف ورايق اللي هو ليمون سوربيت، الطلب يجي واحد سوربيه ليمون وسوربيه برتقال. أنا عادة أقوله يخلي الاثنين ليمون واتشارك فيه مع احد ثاني عشان اثنين كثير، مع العلم انه مرة حامض بس جيد ويعتبر نهاية جيدة للوجبة.
الطلب الثاني اللي هو التيرامسو. مرة لذيذة عندهم وأنصح بتجربتها بس انها ثقيلة شوي، فما أنصح فيها لو انه مافي مكان بعد الاكل.

بالنسبة للخدمة: ماشالله مستوى رفيع وأحلى شي انهم فاهمين في الطلبات. سريع ولايرفعون الضغط. وفي أكثر من مرة يقدمون عينات عن أطباق جديدة لتجربته (غالبا في الحلويات).

المكان يعتبر حلو ورايق، وديكره مميز وجميل. مافي زحمة بالنسبة للأفراد، وبالنسبة للعائلات في مكان مفتوح أو مكان مغلق مع البارتشنات.

أتمنى اني أكون افدتكم بتقييمي عن المطعم وسارفع بعض الصور عن الطلبات اللي ذكرتها.

0 تعليق | هل ترى أن هذا التقييم مفيد؟      نعم

قد تعجبك أيضاً:

روابط مؤرشفة