يفتح الساعة ثمان صباحا
صورة خارجية
تشيكن سكيليت
Chicken Skillet
جلسات متنوعة
طريقة تقديم القهوة.. كوب وتقدر تصب على كيفك
ولازلت أنتظر!
بيض بالجبن مع قطع دجاج وقطع بطاطا صغيرة مع فطر وقطع خضروات.. تقدّم معها ثلاث قطع بان كيك صغيرة
قصة: جا أحد الويترز ومعه فطور ثم حطه على الطاولة الفارغة بجانبي.. ثم حضر شخص عليه تيشيرت برتقالي ومطبوع عليه اسم بافالوز.. ثم جلس يفطر.. شوي قام وراح سأل أحد الزبائن اللي يفطرون كيف وجد الطعم؟ ثم بلطف كلمه ورجع مكانه يكمل الفطور..ياسلام وش هالاهتمام :)
الشي اللي كنت انتظره.. اذا انتهى المسؤول هذا هل راح يشيل الطبق حقه ويرجعه للمطبخ؟ عشان يختصر الوقت على فريق العمل؟ .. لكن يوم خلص قام على طول وخلاّ كل شي
أول مادخلت كان الترحيب ممتاز، ثم اخترت مكان وجلست وطلبت.. وخيّروني بين قهوة أو عصير برتقال.. اخترت قهوة ثم جابوها على طول.. ثم انتظرت وانتظرت وانتظرت حتى وصل الطلب.
عندهم خيارات كثيرة للفطور.. كثيرة جداً.. احترت وش أختار فحبيت أجرب شكل جديد بالنسبة لي وكان (تشيكن سكيليت).. بالرغم من وجود أنواع شكلها لذيذة من الأومليت.
تشيكن سكيليت: عبارة عن طبقة من قطع البطاطا الصغيرة المطبوخة مع الجبن والفطر والخضروات فوقها بيض مقلي.. ومزينة مع الجوانب بقطع الدجاج. بصراحة طبق لذيذ وتجربة رائعة.. لكن ما اتوقع إنه بيكون اختياري الدائم يوماً ما.. بخصوص حجم الطبق كافي وبزيادة.
تقييمي للمكان.. لم يعجبني بصراحة لا من ناحية الراحة في الجلسات ولا من ناحية رائحة المكان، هناك رائحة غريبة ليست رائحة أكل! .. صحيح الرائحة ليست قوية بس عشان أأكد بعض تقييمات الشباب فيما يخص الرائحة!
عندهم مشكلة في الويترز وهي.. أنهم إذا راحوا يتأخرون عشان يرجعون لك.. يعني وصيت واحد يجيب لي كوب سفري عشان آخذ معي القهوة.. لكن تأخر ورجع واحد ثاني بداله وقلت له جب كوب سفري قال بسأل المدير! .. قلت خلاص مو لازم بَمشي :)
