اسف لعدم تمكني من تصوير الاطباق لسبب سعرفونه لاحقا
المطعم ياباني من بابه لمحرابه
الاكل شهي جدا و طازة و بالذات لأن كل شيء يطبخ امامك فتقدر تشوف اللحمة و الدجاج و اللبستر و الكالماري..
على اعتبار الطبخ يصير امامك فالانتظار لنصف ساعة على الاقل هو من خصائص المطعم..بس يستاهل الصراحة
ممكن موضوع روائح الطبخ تعكر صفو الانتظار
مشكلتهم ما عندهم واي فاي فالانتظار يصل لدرجة الملل
ولكن الرز المقلي سواء مع الدجاج او اللحم جدا طيب و ماراح تنموا
طلبنا طبق السوشي مع الرولز و كان جدا طيب و يجي معاه شوربة ميسو مجانا
..بالا ضافة لطبق بينيهانا البحري و اللي يستحق سبع نجوم و خصوصا يجي معاه شوربة ميسو (متوسطة الطعم) و سلطة خضراء بصلصة رائعةو ايس كريم لذيذ و شاي اخضر ياباني بالاضافة للرز المقلي بالخضار
الفاتورة لما ذكر اعلاه 399 ريال
النقاط التي تحسب للمطعم
الديكور 10 من 10
الطعم 10 من 10
النظافة و الخدمة 9 من 10
سرعة في تقديم الطلبات و لكن الانتظار يموت بس غصب عنهم الصراحة
السعر عالي بس يستاهل
الزبدة و الخلاصة:
اول مطعم ياباني اشوفه يحترم الجمهور الذي يأكل عنده.. نحن كعرب نعشق الاكل حتى الثمالة و مو جايين نذوق..يعني بصراحة تشبع عندهم تمااام
